බලන්නම ඕන ෆිල්ම් එකක් - INSANE

 INSANE 

සමහර වෙලාවට චිත්‍රපටයක් බලන්නේ කම්මැලිකමට, එහෙමත් නැත්තන් වෙන කරන්නම වැඩක් නැති කමට. කොහොම උනත් චිත්‍රපට පිලිබදව එකිනෙකාගේ රුචිකත්වය වෙනස්. නමුත් දෙයියනේ කියල මේ සටහන ලියන මටනම් ඕනෑම වර්ගයක චිත්‍රපටයක් බලන්න පුළුවන්. මගේ මුල්ම පොස්ට් එක විදිහට මන් ලියන්න යන්නේ මන් කාලෙකින් බලපු සුපිරි චිත්‍රපටයක් ගැන. චිත්‍රපටය බලන අතරතුර මට හිතුනේ 'මම මේ ෆිල්ම් එක බලන්න සැහෙන්න පරක්කු වෙලා නේද' කියලා. මොකද මම මේ කියන්න යන චිත්‍රපටය විකාශනය කරල තියෙන්නේ 2016 අවුරුද්දේ අප්‍රේල් හත් වැනිදා. ඔව්,මම බැලුවේ 2020 අවුරුද්දේ . වැඩි අටුවා ටීකා  නැතුවම මම චිත්‍රපටයේ සාරාංශයක් ඔබ වෙත ගෙන එන්නම්.

චිත්‍රපටයේ නම - INSANE

ප්‍රභේධය    - අභිරහස්, මනෝවිද්‍යාත්මක සහ ක්‍රියාදාම 

වර්ගය -  දකුණු කොරියානු චිත්‍රපට

අධ්‍යක්‍ෂනය - ලී චෙඔල් හා  

කාලය - පැය 1යි මිනිත්තු 31යි

 භාෂාව - කොරියන් 

අදායම් වාර්ථාව - ඇමරිකන් ඩොලර් මිලියන 6.7

අන්තර්ගතය - කිසිදු හේතුවක් නොදන්නා කැන්ග් සෝ හා නමැති තරුණිය මනෝ චිකිත්සක රෝහලක සිර කර තබා ඇති අතර, එහිදී ඇය එම ස්ථානයේ බිත්ති වලට කොටුවි ඇති කරදරකාරී , භයානක, ජුගුප්සාජනක සිදුවීම් තම දිනපොතේ සටහන් කරයි .රුපවාහිනි මාධ්‍යවේදියෙකු වන නා නම් සෝ විසින් තම වැඩසටහනක් සදහා තොරතුරු ගවේශනය අතරතුර මෙම අභිරහස් රෝහලේ සැඟවුණු රහස් අනාවරණය කර ගැනීමට උත්සාහ කරන අතර ඒ වන විටත් මිනීමැරුම් චෝදනාවකට සිර භාරයේ සිටින කැන්ග් නමැති තරුණියගෙන් තොරතුරු  ගැනීමට උත්සහ කරයි.

මෙලෙස ආරම්භ වන චිත්‍රපටයේ අවසානය ඔබට සිතාගත නොහැකි වනු ඇත. මක් නිසාද යත් එය කිසිවිටෙකත් අපේක්ෂා නොකළ අවසානයක් බැවිනි.

සත්‍ය  සහ බොරු, උමතුව, මානසික රෝහල්, දිනපොත සහ පෑන, රෝගීන්, නොවිසඳුනු නඩුව, පළිගැනීම,  සනීපාරක්ෂාව, ලිංගික අපහරණය, ව්‍යාකූල මානසික තත්ත්වයන් පිලිබදව, පැය එක හමාරක් වැනි කෙටි කලක් තුලදී මෙම චිත්‍රපටියෙන් කතා කරයි. අවසානය නොකියූ කතාවක ආරම්භයක් ලෙස දැක්විය හැකිය.

අවසානය විනිශ්චය කිරීම ඔබට භාර කරමි.

 

අංක එකේ චිත්‍රපටියක් වන INSANE, දකුණු කොරියාවේ  විකාශනය වූ පළමු සතිය ඇතුලත ඇමරිකන් ඩොලර් මිලියන 2.3 උපයා  ඇති අතර 2016 අවුරුද්දේ 37 වන Blue Dragon සම්මාන උළෙලේදී හොඳම නව නළුවා සම්මානයට මෙම චිත්‍රපටයට රංගනයෙන් දායක වූ ලී සංග් යුන් නිර්දේශ වූ අතර හා 52 වන Grand Bell සම්මාන උළෙලේදී INSANE සදහා රංගනයෙන් දයක වූ  කන්ග් යේ වොන් හොඳම නිළිය සම්මානයටත් ලී සංග්යුන් හොඳම නව නළුවා සම්මානයටත් නිර්දේශ වූ බව සදහන් වේ.

 තොරතුරු අන්තර්ජාලය ඇසුරිනි.

මම KVI's area එකේ  කවි.