Skip to main content

කළු සුදු චරිත ඇතුළේ අළු චරිත

 

දෙදාස් විසි එකේ මැයි මාසේ විසි හතරවෙනිදා ප.ව හතරයි විසි තුනයි වෙලාව.

 

මාස ගාණකට පස්සේ ආයෙත් blog එක ලියන්න පටන් ගත්තා. මගේ අම්මා හැමදාම කියන්නේ "කවී ඔයා ලේසියෙන් දේවල් අතාරිනවනේ, එහෙම වෙන්න එපා. දෙයක් කරන්න පටන් ගත්තොත් දිගටම කොහොම හරි යන්න" කියලා.ඉතින් ඔන්න අම්ම කිව්වා නිසා අත ඇරෙන්න ගියපු දෙයක් ආයේ කරන්න පටන් ගත්තා. කොරෝනත් එක්ක මේ දවස් ටිකේම ගෙදරට වෙලා online lectures  සම්බන්ද වෙන ගමන් මගේ සුපුරුදු hobby එක වෙන kdrama බලන ගමන් ඉද්දි තමයි මේ ආපහු blog එක ආපහු ලියන්න පටන් ගත්තේ. ඉතින් මේ වෙලාවේ මං කල්පනා කරන්නේ මොනවා ගැනද  කියලා. මට ඇත්තටම කිසිම අදහසක් නම් නැ.

 

දෙදාස් විසි එකේ මැයි මාසේ විසි හතරවෙනිදා ප.ව. හයයි  හතරයි වෙලාව.

 

ලියන්න දෙයක් හිතුනා. ලොකුවට හිතන්නේ නැතුව මං  බලන kdrama එකක් ගැන ලියන එක හොද restart එකක් වෙයි කියලයි හිතුවේ.

 

👀 හොදයි මෙහෙම පටන් ගමු.


 කළු සුදු චරිත ඇතුළේ අළු චරිත 

කොරියානු සිනමාව,  කතා මාලා හා කොරියානු පොප් සංගීතය කිව්වහම ලංකාවෙ බොහෝ දෙනෙක් හිනාවෙන්න පටන් ගන්නවා "ඒවගෙ ඉන්න කොල්ලොන් රැවුල නෑ , උන් ගෑණු වගේ ," ආදී දහසක් කතා කියන ගමන්. කොහොම උනත් කොරියානු සිනමාව උඩු යටිකුරු කරපු සිනමාවන්, කතා මාලාවන් මෑත කාලීනව ප්රේක්ෂකයන්ට නරඹන්න හැකියාව ලැබුණා. "රැවුල නැත්තන් ගෑණුය" කියපු උන්ට "හික්" ගෑවෙන්න කොරියානු සිනමාව සුපිරි කනේ පහරවල් කිහිපයක්ම පහු ගිය දවස්වල එල්ල කලා. සමාජයේ ඉන්න කලු චරිත සුදු චරිත වගේම අලු චරිතත් සුපිරියටම උලුප්පලා දක්වන්න කොරියන් කාරයෝ උත්සහ කරලා තියෙනවා කියල බලපු අයට නම් තේරෙයි.

ඉතින් එහෙම මගේ හිතටත් වැදුණු සුපිරි tv series එකක් ගැන තමා මං කියන්න යන්නේ.

අදහස් උදහස් සියල්ලම  පහලින් කොටාගෙන යන බලාපොරොත්තුව පෙරදැරි කරගෙන කියවන ලෙස සැදැහැ  සිතින් ඉල්ලමි.

මෙහි අඩංගු සියලු තොරතුරු google හා facebook හරහා ලබාගත් බව කරුණාවෙන් සලකන්න.

 

Vincenzo (2021) 빈센조

Vincenzo korean Drama series එක netflix හී නවතම කතා මාලාවක් විදිහට අන්තිමම තප්පරේටම telecast  වෙලා ඉවර උනා. ඉතාලි මාෆියාව සහ කොරියානු දේශපාලන, සමාජීය හා නීතිමය පැතිකඩේ අදුරු යථාර්ථය ගැන කැලඹිලි සහගත , ආන්දෝලනාත්මක කතා මාලාවක් විදිහටත් මේක හදුන්වන්න පුළුවන් . කොරියානු සම්භවයක් සහිත ඉතාලි මාෆියා ඇසුරේ හැදුනු වැඩුණු ලේ වැකුණු අතීතයක් ඇති වින්චෙන්සෝ කසානෝ නම් දක්ෂ සුප්රසිද්ධ තරුණ නිතීඥවරයා හදිසියේ ඉතාලියේ සිට කොරියාවේ Geumga Plaza නමින් හැදින්වෙන ගොඩනැගිල්ලේ අයිතිකරු වශයෙන් පෙනී සිටිමින් කොරියාවට එනවා. එහෙම එන්නත් එයාට සෑහෙන්න වටින ( රත්තරං වටින ) හේතුවක් තියනවා .

Vincenzo කතා මාලාව පටන් ගන්න දර්ශන තලය කතාව ඉස්සරහට ගලාගෙන යන විදිහ ගැන හොද කුතුහලයක් පවත්වගෙන යන්න ඉඩ හරිනවා. කතාව පුදුම තරම් interesting . පටන් ගැන්ම dark note එකක් උනාට thriller , crime , comedy , romance , sarcastic  වගෙ කැටගරි වලින එහෙට මෙහෙට වෙවී වෙනස්ම මාර්ගයකට ප්රේක්ෂකයාව අරන් යනවා. මේක මුලින්ම දැක්කම මාර serious වැඩක් වගේ පේන්න පුළුවන් . හැබැයි නැති වෙන කිසි දෙයක් නෑ. නියම රස අච්චාරුවක්

Vincenzo කියන්නෙ හැම තිස්සේම අළු කතාවක් ! කතාවේ ඔයාගේ වීරයා ඔයාටම තෝරගන්න පුළුවන් . වගේම ඔයාගේ දුෂ්ඨයා කව්ද කියන එකත් ඔයාට අනුව තමයි. හොද - නරක කියලා බෙදීමක් නෑ. Social constructed අනුව ගත්තොත් vincenzo  කියන්නෙ නපුර විනාශ කරන්න පුළුවන් වගේම යක්ෂයෙක්ට කියන එක සහ අපි ජීවත් වෙන අළු ලෝකේ ඇතුලේ සදාකාලික ශුද්ධත්වන්තයෝ වත් සදාකාලික අපාය සහයකයෝවත් නැහැ කියන එකයි. ඔයාගේ වල කපා ගන්නේ ඔයාමයි. එහෙම කපා ගත්ත වල බැද ගන්නේ පස් වලින්ද , කොන්ක්රීට් තට්ටුවකින්ද , රත්තරනෙන්ද කියන එකත් ඔයාගෙ තීරණ වල එකතුවක් වෙන්න පුළුවන් .

හැම මනුස්ස ජීවිතයක්ම කවදාවත්  සම්පූර්ණ වෙන්නෙ නැහැ. හැමෝම නරකයි. මේ කතාව එහෙම වැඩියෙන් නරක මනුස්සයොන්ට විරුද්ධව තමන්ගේ අයිතිවාසිකම් වෙනුවෙනුත්, නීතියෙන් නිසි පිළිසරණක් නොලැබීම නිසා තම තමන්ගේ නීතියෙන් දඩුවම් කරන හදවතේ තෙතමනක් ඇති නමුත් අළු මිනිස්සුන්ගේ කතාවක්! මම වැඩියෙනුත් මේකට කැමති අන්න නිසයි.

Vincenzo කතා මාලාව මෙච්චර සාර්ථක වෙන්න හේතු වුන අනික් හේතුව තමයි  Kim Yeo-jin රගපෑමෙන් දායක උනු choi myung hee ගේ චරිතය. උප ප්රධාන චරිතයක් විදිහට අපි ඉස්සරහට එන ඇය ඇගේ ලේ රත්කරවන තරමට දෙන්න පුළුවන් උපරිම සාදාරණය චරිතයට ලබා දෙනවා. අනික් කෙනා jang jung woo ගේ චරිතයට පන පොවන Taecyeon. මනුස්සයෙක්ට එච්චරම දරුණු වෙන්න පුළුවන් කියන ඇත්තත්, politicize වෙච්ච සමාජයක් ඇතුලේ  සැබෑ සාදාරණය කියන්නෙ නිකන් ආතල් එකක් විතරයි කියන එකත් තිතට දනවන්න මේ අයට පුළුවන් වෙලා තියෙනවා.

මට අනුව vincenzo  කියන්නෙ මම  highly recommend කරන kdrama එකක්. මම විශ්වාස කරන ඇත්තෙන් භාගෙකට වඩා මේක ඇතුලෙ තියනවා. කොහේවත් හොද මිනිස්සු කියලා ජාතියක් නෑ. මිනිස්සු කරන්නේ තම තමන්ට ලැබෙන පරිසරය අනුව අනුවර්තනය වෙවී ඉස්සරහට යන එන. ජීවිතේ හැම පුංචි හැල හැප්පීමක්ම තප්පරේකට හරි මනුස්සයෙක් අමුනුස්සයෙක් කරන්නත් මනුස්සයෙක් මනුස්සයෙක් කරන්නත් හේතු වෙනවා!

ඉතින් නොබලපු kdrama fansලටත්, එහෙම නොවන කුතුහලයෙන් ඉන්න අයටත් මම මේ drama එක recommend කරන්න කැමතියි.

 

Genre: Dark comedy

Episode : 20

Network: TVN 

Program creators: TVN, Studio Dragon

Languages: Korean, Italian

 

Director

Kim Hee Won

 

Screenwriter

Park Jae Bum

 

Executive producer

Lee Jang Soo

 

Main Role

Song Joong Ki Vincenzo Cassano / Park Joo Hyung

Jeon Yeo Bin Hong Cha Young

Ok Taec YeonJang Jun Woo


Support Role

Kim Yeo JinChoi Myung Hee [Prosecutor]

Jo Han Chul - Han Seung Hyuk [CEO of Woosang Law firm]

Kwak Dong Yeon - Jang Han Seo [Head of Babel Group]

Yoo Jae Myung - Hong Yoo Chan [Cha Young's father / Law


Awards and nominations

Year

Award

Category

Recipient

Result

Ref.

2021

57th Baeksang Arts Awards

Best Director (TV)

Kim Hee-won

Nominated

[47]

Best Actor (TV)

Song Joong-ki

Nominated

  


Trailer එක බලලම ඉවර කරන්න.

Comments

  1. TV Series නම් මං එච්චර බලන්නේ නැහැ මොන රට ක උනත්. කොරියන් කියල නෑ ඉතිං හැම එකක ම හොඳ දේවල් තියනවා. මිනිස්සුන්ට කොරියන් එපා කරේ අපේ මාධ්‍ය.

    ReplyDelete

Post a Comment

Popular posts from this blog

මගේ මතකේ රැදුන නත්තල්

  🎄 නත්තල් 🎅 බෞද්ධ මාත් නත්තල් කියන වචනෙට මාර ආසයි. මන් පොඩි කාලෙ මගෙ නත්තල් මතක ගොඩක් තියෙනවා. ඒ අතරින් මගෙ හොදම මතකෙ තමා නත්තල එනවා කියල කියන සීතල හුළග. ලංකාවෙ ඉන්න අපිට ඉතින් නත්තල් හිම කියන්නෙ නම් හීනයක්නෙ. ඒත් සීතල හුළග නම් මට අවුරුද්දෙ ඕනම කාලෙක මතක් කර කර විදින්න පුලුවන්. නත්තලත් එක්ක මට තියෙන්නෙ සුපිරි මතකයන් කිව්වොත් හරි. මොකද අපේ ගෙදර එකා යකා වෙච්චි මට නත්තල කියන්නෙ ඉතින් තෑගි ගොඩක් හම්බෙන දවසක්..කිතුණු යාලුවොන්ට ඒක සාමාන්‍ය වුණාට බෞද්ධ හැමෝටම එහෙම නත්තල විශේෂ නෑනේ.😉 කොහොමහරි මං චූටි කාලෙ ඉදන්ම නත්තල් දවසට ලෑස්ති වෙන්නෙ දෙසැම්බර් මාසෙ පටන් ගන්නවත් එක්කමයි..පුදුම රාජකාරි ගොඩක් තිබ්බෙ ඒ කාලෙ ඉදන්ම😋 📽ෆිල්ම් බැලීම. "සීතල දෙසැම්බරේ සිරස ටීවි එකෙ පෙන්නන ළමා චිත්‍රපට නරඹා පුංචි යාලුවොත් තෑගි දිනාගන්න"▲ එහෙම තමා සිරසේ කතා කරන ඇන්ටි ෆිල්ම් බලන්න එන්න කියල අපිට කිව්වෙ..ඒ තාලෙට තාමත් ඒ වාක්‍ය කියන්න පුලුවන්. ඉතින් කෝම හරි ඒ කාලෙ ඔය හඩකවපු ළමා චිත්‍රපට බලන එක තම නත්තල් කාලෙ මගෙ ප්‍රමුඛ රාජකාරිය. නත්තල් දවසෙ උදේ ඉදන් ටී.වී එක ඉස්සරහ ඉදගෙන නත්තල් දේව මෙහෙය බලලා, ඊළගට යන හින්

බලන්නම ඕන ෆිල්ම් එකක් - INSANE

  INSANE  සමහර වෙලාවට චිත්‍රපටයක් බලන්නේ කම්මැලිකමට, එහෙමත් නැත්තන් වෙන කරන්නම වැඩක් නැති කමට. කොහොම උනත් චිත්‍රපට පිලිබදව එකිනෙකාගේ රුචිකත්වය වෙනස්. නමුත් දෙයියනේ කියල මේ සටහන ලියන මටනම් ඕනෑම වර්ගයක චිත්‍රපටයක් බලන්න පුළුවන්. මගේ මුල්ම පොස්ට් එක විදිහට මන් ලියන්න යන්නේ මන් කාලෙකින් බලපු සුපිරි චිත්‍රපටයක් ගැන. චිත්‍රපටය බලන අතරතුර මට හිතුනේ 'මම මේ ෆිල්ම් එක බලන්න සැහෙන්න පරක්කු වෙලා නේද' කියලා. මොකද මම මේ කියන්න යන චිත්‍රපටය විකාශනය කරල තියෙන්නේ 2016 අවුරුද්දේ අප්‍රේල් හත් වැනිදා. ඔව්,මම බැලුවේ 2020 අවුරුද්දේ . වැඩි අටුවා ටීකා  නැතුවම මම චිත්‍රපටයේ සාරාංශයක් ඔබ වෙත ගෙන එන්නම්. චිත්‍රපටයේ නම - INSANE ප්‍රභේධය    - අභිරහස්, මනෝවිද්‍යාත්මක සහ ක්‍රියාදාම  වර්ගය -  දකුණු කොරියානු චිත්‍රපට අධ්‍යක්‍ෂනය - ලී චෙඔල් හා   කාලය - පැය 1යි මිනිත්තු 31යි  භාෂාව - කොරියන්  අදායම් වාර්ථාව - ඇමරිකන් ඩොලර් මිලියන 6.7 අන්තර්ගතය - කිසිදු හේතුවක් නොදන්නා කැන්ග් සෝ හා නමැති තරුණිය මනෝ චිකිත්සක රෝහලක සිර කර තබා ඇති අතර, එහිදී ඇය එම ස්ථානයේ බිත්ති වලට කොටුවි ඇති කරදරකාරී , භයානක, ජුගුප්සාජනක සිදුවීම්

අකලට පිපුණු රතුරෝස

                                                           අකලට පිපුණු රතුරෝස හිත වටකර බැදි වැට මැද කිණිහිරියා මල් පිපුණා.. සැදෑ අදුරට පෙම් කල ඇගෙ සිත කදෝපැණියෙකු දෙසට ඇදුණා.. දුටුව ලෝකය, නොදුටු සක්වල මහමෙරක් ලෙස හිතට දැණුනා.. සිව්කොණින් ඇවිලෙනා ගිනි දළු  ප්‍රේමයට පෙරවදන ලිව්වා.. අකලට වැටෙනා සහසක් වැසි මැද  හිතට හොරා හිත මුරණ්ඩු වෙනවිට නටුව අග තිබුණ කටු දෙනයනට දැක දැකම රැකපු රතු රෝස මලෙ පෙති නොහැළුනේ මන්ද? නිශායාමේ ලකල් සද දිය මත වැටෙන සෙවණැලි ගතු කියන විට කෝඩුකාර හිතෙ නොඉඳුල් ආලය කල වරද නොතේරෙන කල මරාදමනු හැකි වේද - උපන් ගෙයි ඇතුළේම සම්මතය - අසම්මතය වාසිය කොයිබටද? ආලයක් ඇතිවෙන්න ඇසිල්ලක්, ඇති නොවෙද? මම  KVI's area  එකේ   කවි.